ნებისმიერი სიყვარული - იქნება ეს სიყვარული საკუთარი თავისადმი თუ მოყვასისადმი, - ღმერთის მიმართ სიყვარულით უნდა მოწმდებოდეს. ნებისმიერი საწადელი - ცალკე რელიგია, ანუ თვითგაღმერთების კულტია, რომელიც საკუთრივ არც არის რელიგია. ძველად წარმართებში ყველა საწადელს თავისი „ღმერთი“ ჰყავდა. მაგალითად, ოდითგანვე ცნობილია მომხვეჭელობის „ღვთაება“ - მამონა, ხოლო ბერძნებს სარფიანი მოგების „ღმერთად“ მერკური მიაჩნდათ, სიყვარულის „ღმერთებად“ - აფროდიტე და ეროსი, მხიარულებისა და დროსტარების „ღმერთად“ - დიონისე და ა.შ.
